TEMA: Jesus Christus het gesterf om alles met homself te versoen
Ons verwelkom vandag vir Ds. Johannes Aucamp wat die erediens by ons gaan waarneem. Ons bid hom die seën van die Here toe.
Weet jy wie jy is en hoekom jy leef? Maak jou lewe sin? Om jou ware identiteit en rol in God se geskiedenis te kan uitleef, moet jy weet hoekom Jesus Christus sy bloed aan die kruis gestort het.
Die meeste gelowiges is oortuig dat Jesus Christus aan die kruis gesterf het om hulle sondes weg te neem. Hierdie antwoord is egter net 'n gedeelte van die waarheid en 'n verskraling van die volle waarheid.
In Kolossense 1:20 word daar direk vir ons gewys dat Jesus moes sterf om alles met homself te versoen. Wat sou die alles wees wat Hy kom versoen het?
KONTREIMARK VERFKUNS
Die Annie Sloane verftegnieklasse wat tydens Die Ouplaas Kontreimark aangebied word behels die volgende: elke deelnemer ontvang ‘n raam waar op die agterkant verskillende tegnieke aangeleer word.
Daarna besluit jy self waarvan jy hou en voltooi die voorkant van die raam met daardie tegniek. Die koste vir ‘n 3 ure klas is R400 per persoon. Daar is nog plek vir 4 dames vir
Vrydag 25 Sep. vanaf 1 – 3. Diegene wat reeds bespreek het moet assebief vooraf die geld by die Kerkkantoor inbetaal.
Vir verdere inigting skakel Welma de Wet 084 206 7748.
BRITS RUSOORD SPITBRAAI
Ons is van voorneme om in die lente 'n funksie aan te bied waar die gemeenskap en ons inwoners saam kan kuier.
Datum: 30 Oktober 2015 Tyd: 18h00
Venue: Brits Rusoord Kaartjies: R 130.00 per persoon
Spyskaart: Skaap op spit. Wors, Pap & Sous, Brood/konfyt tafel, 2 slaaie, en nagereg.
Ons verskaf dansmusiek. Bring asb eie mandjie met eetgerei en drank.
Kontak asb vir Truidie van Schalkwyk 012 252 7043/082 459 3840
ALMANAKKE 2016:
Ons plaas weer bestellings vir die Almanakke van 2016 aan die einde van September 2015. Indien u enigsins belangstel, moet u die kerkkantoor kontak voor of op 30 September.
Ons gaan hierdie jaar slegs almanakke bestel waarvoor daar bestellings geplaas is.
Diensbeurte
Soutpansdrif Beestekraal
Ouderling Floris van der Walt Eddie v/d Merwe
Diaken Gert Postma Annemarie Eloff
Gasvryheid E 8 A 4
Volg. Week: B 1, B 2 & B 3 A 5
Verjaarsdae hierdie week:
Facebook:
https://www.facebook.com/
gkkrokodilrivier
Twitter:
GK Krokodilrivier @
GK_Krokodil
ONDERLINGE MEELEWING
1. Sr Petro Pretorius se rugoperasie het goed afgeloop. Sy is nog in die hospitaal, maar sterk goed aan.
2. Sr Trix Dreyer gaan DV Maandag vir ‘n knieoperasie. Ons bid dat die Here die operasie sal seen.
3. Sr Amanda du Plessis was die afgelope week in die hospitaal. Sy het ‘n mantelvliesbreuk en sukkel ook met haar hart.
Ons bid dat die Here haar in sy liefde sal vashou en die behandeling sal seen.
4. Sr Bettie Pretorius is maar swak. Sy is tans in die bed en word tuis by Riandi en Louis versorg.
5. Br. Leonard Labuschagne (Christelle Kotzese pa) was die afgelope week in die hospital met long- en bloedprobleme. Hy is Donderdag ontslaan en sterk tuis aan.
