Behalwe as jy groot gedoop is, onthou niemand sy/haar eie doop nie. Wat beteken jou doop dan? Jou doop is die bewys en die versekering dat die Here jou aangeneem het en dat Hy aan jou bepaalde beloftes maak. Omdat ons gedoop is, kan ons seker wees
1. ONS IDENTITEIT IS GEWORTEL IN DIE VERLEDE
Ons doop sê dat ons op grond van God se genade saam met Christus begrawe is en dat ons ook saam met Hom in ‘n nuwe lewe opstaan. Hierdie belofte is gewortel in die verbond wat God met Abraham gesluit het (Gen 17). Daarom, sê die sformulier, word ons as kinders van ons hemelse Vader aangeneem.
2. ONS HET ‘N OOREENKOMS GEWORTEL IN DIE HEDE
Die Here belowe dat Hy bloot uit genade deur die werking van die Heilige Gees ons sondes met die kosbare bloed van ons Here Jesus Christus wil afwas.
3. ONS SEKERHEID IS GEWORTEL IN DIE TOEKOMS
Die Here belowe by die doop dat Hy, bloot uit genade, ons saam met Christus uit die dood sal opwek (vgl. vers 5) en ons die ewige lewe sal skenk.
Daarom moet ons altyd ons doop onthou.
